- مكان التدريب ؟
مستشفى الملك فهد التخصصي بالدمام.
- المده ؟ والسنه ؟
سنة كاملة ( 2017-2018).
- نظام التدريب في المستشفى ؟
تبدأ بمراحل تدريجة، اولًا اورينتيشن عن المستشفى و الاجهزة المستخدمة و النظام الداخلي للمستشفى، بعدها تبدأ مع البريسبتور تشتغل إلى ما تاخذ يدك على الشغل و تبدا تكسب ثقة، هنا تبدا تمسك عدد بسيط من المرض انت مسؤول عنهم و البريسبتور موجود لو احتجته، و تبدا من هنا تتطور في عدد المرضى و المهام الموكلة اليك حسب مهارتك و شغلك.
- دور الأرتي في المستشفى والاشياء الي يسويها ؟
الارتي في هذا المستشفى مو بس ينفذ الاوردرز، يشارك في صنعها و تحديدها سواءً كانت في العناية المركزة او اجنحة التنويم، و بعض الاستشاريين اذا كانوا يعرفونك و يثقون فيك يوكلك المهمه كاملة.
- مميزات المستشفى ؟
المميزات تختلف من شخص للثاني، راح اذكر الي الاغلب اتفق عليها، اولاً اكثر شي يميز هالمستشفى بيئة العمل مره مريحة، سواءً كان من تعاون الموظفين معك او حتى البوليسي الواضحة تبع القسم، أنت راح تكون جدًا مرتاح لان كل شي واضح من ناحية المهام الي عليك و من ناحية التعاون و البيئة اللطيفة الي بين الموظفين. ثانيًا يتميز بالمرونة في العمل. ثالثًا يتميز بتنوع الحالات الموجودة و إختلاف المانجمنت على كل حالة. و اخيرًا ارجع اقول البيئة الصديقة هي السر في هذا المستشفى.
- سلبيات اذا وجد ؟
عدم تواجد عناية مركزة للخدج Neonatal ICU .
- متطلبات القبول ؟
اجتياز المقابلة الشخصية + الاختبار التحريري.
- تعاون الموظفين ؟
ذكرت هالنقطة في سؤال مميزات المستشفى، ارجع اقول ان الموظفين جدًا فرندلي و متعاون معك، ما راح تجس بثقل الدوام عليك لحالك، لان الجميع هنا واقف سوا.
- الأماكن الي يشتغل فيها الانتيرن في المستشفى ؟
Adult ICU - Pediatric ICU - Extended ICU - ward - ER
هذي الاماكن الي راح تغطيها كإنتيرن.
- عدد ساعات دوام المستشفى ؟ وكيف يكون الجدول ؟
ساعات الدوام هي ١٢ ساعة من ٧ الصباح الى المساء او من ٧ المساء الى ٧ الصباح.
الجدول بالنسبة للانتيرن راح يكون مقسم، في ال٢٨ راح تداوم ١٣ يوم و راح تكون اوف ١٥ يوم مقسمة، و غالبًا راح يكون تقسيمها على هالطريقة: اسبوع ثقيل و اسبوع خفيف، الاسبوع الثقيل راح تداوم أحد + إثنين و بعدها ثلاثاء + أربعاء أوف و بعدها تداوم خميس + جمعة + سبت. الاسبوع الخفيف، الاحد + الاثنين اوف و الثلاثاء + الاربعاء دوام و الخميس و الجمعة و السبت أوف. بخصوص النهار و الليل، راح يكون شهر نهار و شهر ليل طول فترة التدريب.
- تقييم المستشفى من ١٠ ؟ وهل تنصح فيه او لا ؟
التقييم بالنسبة لي لان ممكن يعجبني ولا يعجب غيري اعطيه العلامة الكاملة و لو حصل ان الزمن يرجع راح اختار اني اخذ الانتيرن في نفس المستشفى.
- حسابات للتواصل اذا حاب احد يستفسر منك شي ؟
Twitter: @RakanAlQahtani
- نصايح للأنتيرن ؟
اختر المستشفى على حسب البلان الي بعد التطبيق، اذا كنت تبي تتوظف في مكان معين رح خذ التطبيق فيه، و اذا عندك خطط ثانية رح للمكان الي راح يوفر لك معلومات اكثر.
ليست هناك تعليقات:
إرسال تعليق